மாதவனுக்கு ஜோடியாகிறார் த்ரிஷா

இந்தியில் சக்க போடு போட்ட தானு வெட்ஸ் மானு படம் தமிழில் ரீ-மேக் ஆக இருக்கிறது. இதில் மாதவனுக்கு ஜோடியாக த்ரிஷா நடிக்க இருக்கிறார்.

தமிழில் முன்னணி நடிகராக இருந்த மாதவன், இப்போது இந்தி படங்களில் அதிக ஆர்வம் காட்டி வருகிறார்.

சமீபத்தில் இந்தியில் இவரது நடிப்பில் வெளிவந்த மானு வெட்ஸ் தானு படம் சூப்பர் ஹிட்டானதுடன் வசூலில் சாதனை புரிந்தது.

அத்துடன் மாதவனுக்கு இந்தியில் ஒரு நடிகராக அங்கீகாரம் அளித்தது. இப்படத்தில் மாதவனுக்கு சமமாக கங்கனா ரனாவத்தும் நடித்து இருந்தார்.

இப்போது இந்தபடம் தமிழில் ரீ-மேக் செய்யப்பட இருக்கிறது. இதில் மாதவனே ஹீரோவாக நடிக்கிறார். கங்கனா வேடத்தில் த்ரிஷா நடிக்க இருப்பதாக தகவல் வெளியாகியுள்ளது.

இவர்கள் இருவரும் ஏற்கனவே லேசா லேசா, மன்மதன் அம்பு படங்களில் நடித்தவர்கள் என்பது குறிப்பிடத்தக்கது.