ஆஸ்கார் விருது: இரு பிரிவுகளில் ஏ.ஆர். ரஹ்மான் பெயர் பரிந்துரை

இந்த ஆண்டுக்கான ஆஸ்கார் விருதுகளுக்கு இரு பிரிவுகளில் ஏ.ஆர். ரஹ்மான் பெயர் பரிந்துரைக்கப்பட்டிருக்கிறது.

83-வது ஆஸ்கார் விருதுகள் வழங்கும் விழா பிப்.27ம் தேதி நடைபெற இருக்கிறது. இந்த விருதுகளுக்கான பரிந்துரைப் பட்டியல் தற்போது வெளியிடப்பட்டிருக்கிறது.

இதில் பின்னணி இசை மற்றும் பாடல் பிரிவுகளில் ஏ.ஆர்.ரஹ்மான் பெயர் இடம்பெற்றிருக்கிறது. "127 ஹவர்ஸ்" படத்துக்கு இசையமைத்ததற்காக அவரது பெயர் பரிந்துரைக்கப்பட்டிருக்கிறது.

2009-ம் ஆண்டில் ஸ்லம்டாக் மில்லியனர் படத்துக்காக ஏ.ஆர். ரஹ்மான் இரு ஆஸ்கார் விருதுகளை வென்றார் என்பது குறிப்பிடத் தக்கது.

இந்த ஆண்டின் சிறந்த படங்களுக்கான பட்டியலில் பிளாஸ் ஸ்வான், தி ஃபைட்டர், இன்செப்சன், தி கிட்ஸ் ஆர் ஆல்ரைட், தி கிங்ஸ் ஸ்பீச், 127 ஹவர்ஸ், தி சோஷியல் நெட்வொர்க், தி சோஷியல் நெட்வொர்க், டாய் ஸ்டோரி 3, ட்ரூ கிரிட், விண்டர்ஸ் போன் ஆகிய படங்கள் இடம்பெற்றிருக்கின்றன