6 கெட்டப்பில் அசத்தும் ராகவா லாரன்ஸ்

முனி படத்தின் இரண்டாம் பாகமான காஞ்சனா படத்தை இயக்கி நடித்த ராகவா லாரன்ஸ் இப்போது மூன்றாம் பாகத்தை தொடங்கிவிட்டார். 

முதல் இரண்டு பாகங்களையும் விட மெகா ஹிட் கொடுத்து விட வேண்டும் என்பதற்காக ஒரு வருடமாக கதை பண்ணி வந்த லாரன்ஸ், இப்போது படப்பிடிப்பு நடத்த ஆயத்தமாகி விட்டார். இப்படத்தில் அவருக்கு ஜோடியாக டாப்சி நடிக்கிறார்.

இப்படத்தில் நாயகியாக முதலில் லட்சுமிராய்தான் நடிப்பதாக இருந்தது. ஆனால் பின்னர் அவரை நீக்கிவிட்டு டாப்சியை புக் பண்ணிய லாரன்ஸ், இசையமைப்பாளராக முதலில் விஜய் ஆண்டனியிடம் பேசியிருந்தவர் இப்போது அவரையும் நீக்கி விட்டு எதிர் நீச்சல் படத்துக்கு ஹிட் பாடல்களைக்கொடுத்த அனிருத்தை புக் பண்ணியுள்ளார்.

மேலும் முதல் இரண்டு பாகங்களை விட இந்த படத்தை அதிக திகில் காட்சிகளுடன் படமாக்கவிருக்கும் லாரன்ஸ், இப்படத்துக்காக 6 விதமான கெட்டப்புகளில் தோன்றுகிறாராம். அதனால் இப்படம் மெகா பட்ஜெட்டில் தமிழ், தெலுங்கு என இரு மொழிகளில் உருவாகிறதாம்.