தனுஷின் டாப் 5 தேங்க்ஸ் லிஸ்ட்

இன்றளவில் தமிழ் சினிமாவின் இளம் ஹீரோக்களில் டாப் ஸ்டார் தனுஷ் தான், உபயம் "ஒய் திஸ் கொலவெறி". 2011ம் ஆண்டு தனுஷ் தனது திரையுலக வாழ்க்கையின் பொற்காலம் என்று கூட எழுதி வைக்கலாம்.

அந்த அளவுக்கு பாராட்டும், புகழும் கிடைத்துள்ளது அவருக்கு.

இந்நிலையில் தனுஷ், விடைபெறவிருக்கும் 2011ம் ஆண்டில் தனக்கு பல்வேறு வெற்றிகளைத் தேடி தந்தமைக்காக தான் நன்றிக்கடன் பட்டிருக்கும் டாப் 5 நபர்களை குறிப்பிட்டு, தேங்க்ஸ் லிஸ்ட்டை ட்விட்டரில் வெளியிட்டுள்ளார். அவை பின்வருமாறு :

* தனுஷின் முதல் மரியாதை அவரது பெற்றோருக்குத் தானாம், அவர்களது அளப்பறிய அன்பு தான் மிகப்பெரிய உந்துதலாக இருந்ததாக ட்விட்டியிருக்கிறார்.

* 2வது இடம் ரசிக பெருமக்களுக்காம், வாஸ்தவம் தான்.

* மூன்றாவது நன்றி, இறைவனுக்கு உரித்தாகுக என கூறியிருக்கிறார்.

* நான்காவது இடம் பத்திரிகை, டி.வி., மீடியா மற்றும் வெளிநாட்டு ஊடகங்களுக்காம். ஆமா.. ஆமா... நியாயப்படி முதலிடம் கொடுத்திருக்க வேண்டும்.

* ஒகே... தி லாஸ்ட் பட் நாட் தி லீஸ்ட் இஸ் யார் தெரியுமா, இயக்குனர்கள் செல்வராகவன் அண்டு வெற்றிமாறன்.

சரி பட்டியல் எல்லாம் ஓ.கே., உங்களுக்கு கொலவெறி பாடல் பாட வாய்ப்பு கொடுத்த உங்க மனைவி ஐஸ்வர்யாவை மறந்து விட்டீர்களே. ஒய் திஸ் கொலவெறி.....? தனுஷ்!