தனுஷைத் தொடர்ந்து விஜய்யும் இந்தி நடிகை கேட்கிறாராம்

தனுஷ் ராஞ்சனா படத்தில் சோனம்கபூருடன் நடித்தாலும் நடித்தார் இப்போது கோலிவுட்டின் முன்னணி நடிகர்கள் பலருக்கு இந்தி நடிகைகளை ஜோடியாக்க வேண்டும் என்ற மோகம் அதிகரித்து விட்டது. 

அதோடு, இப்போது கே.வி.ஆனந்த் இயக்கத்தில் தான் நடிக்கும் படத்திலும் இந்தி நடிகையே வேண்டும் என்று அடம் பிடிக்கிறாராம் தனுஷ். 

அதனால், வழக்கம்போல் காஜல்அகர்வால், தமன்னா என்று பட்டியல் போட்டுக்கொண்டிருந்த கே.வி.ஆனந்த் இப்போது தனுஷின் வேண்டுகோளை ஏற்று ஆலியாபட்டை தேர்வு செய்துவிட்டார்.

இதையடுத்து ஏற்கனவே சச்சின் படத்தில் பிபாசா பாசுவை தமிழுக்கு கொண்டு வந்த விஜய்யும், ஏ.ஆர்.முருகதாஸ் இயக்கத்தில் தான் நடிக்கவிருக்கும் புதிய படத்திற்கு பாலிவுட் நாயகிதான் வேண்டும் என்று கேட்டுள்ளாராம். 

அதனால், ஏற்கனவே இந்தி நடிகைகளுக்கு பரிட்சயமானவரான முருகதாஸ், விஜய் எதிர்பார்ப்பதை விட ஒரு பிரபல பாலிவுட் நடிகையை அவருடன் டூயட் பாட வைக்கும் வேலைகளில் ஈடுபட்டிருக்கிறாராம்.