அஜித்தின் பில்லா 2 புது சாதனை

அஜித்தின் பில்லா-2 படம் ரிலீஸ் ஆதவற்கு முன்பே புதிய சாதனை படைத்திருக்கிறது.

பில்லா பார்ட் 1 படம் ரசிகர்களை கவர்ந்ததைப் போலவே இந்த படமும் ரசிகர்களை வெகுவாக கவரும் என்ற எதிர்பார்ப்பு ஒருபுறமிருக்க, படத்தின் தொலைக்காட்சி உரிமை, வெளியீட்டு உரிமை, வெளிநாட்டு உரிமை என ஒவ்வொன்றுமே பெரும் விலைக்கு பேசப்பட்டுள்ளதாக ஏற்கனவே செய்திகள் வெளியாகின.

படம் ரிலீஸ் தேதி அறிவிக்கப்படுவதற்கு முன்பே வர்த்தக ரீதியாக பெரும் சாதனை படைத்திருக்கும் பில்லா 2, சத்தமில்லாமல் இன்னொரு சாதனையையும் படைத்திருக்கிறது.

சில தினங்களுக்கு முன்னர் தான் பில்லா-2 படத்தின் இரு ட்ரையிலர்கள் யு-ட்யூபில் வெளியிடப்பட்டது.

இந்த டிரைலர்களுக்கு ஏக வரவேற்பு. வெளியான ஒரு நாளைக்குள் பல லட்சம் பேரால் பார்க்கப்பட்ட இந்த ட்ரைலர்களைப் பாராட்டி கமெண்ட்கள் குவிந்து வருகின்றன என்பது குறிப்பிடத்தக்கது.