அனுஷ்கா பின்வாங்க காரணம் என்ன?

மறைந்த கவர்ச்சி நடிகை சில்க் ஸ்மிதாவின் வாழ்க்கையைத் தழுவி இந்தியில் வித்யாபாலனை ஹீரோயினாக வைத்து எடுக்கப்பட்ட தி டர்ட்டி பிக்சர்ஸ் திரைப்படத்தை தமிழில் எடுக்க படக்குழுவினர் விறுவிறுப்பாக ஆயத்தப் பணிகளில் ஈடுபட்டுள்ளனர்.

முதல் பணியாக அவர்கள் கையில் எடுத்துக் கொண்டதே ஹீரோயினை முடிவு செய்வது தானாம்.

ஒரு வழியாக, அனுஷ்கா தான் ஹீரோயினாக நடிக்க சரியானவர் என முடிவு செய்து அவருக்கு தூண்டில் போட, அனுஷ்காவோ கழுவுற மீனில் நழுவுறு மீனாக முடியாது என்று சொல்லிவிட்டார் என்கிறது விரவமறிந்த வட்டாரம்.

தமிழில் ஏற்கனவே, இரண்டாம் உல்கம், அலெக்ஸ் பாண்டியன், தாண்டவம் ஆகிய படங்களில் நடித்து வருகிறார் அனுஷ்கா. தெலுங்கிலும் அம்மணி பிஸியாக இருக்கிறார்.

இதனால் தான் டர்ட்டி பிக்சர்ஸ் தமிழ் படத்தில் நடிக்க அனுஷ்கா மறுத்து விட்டதாக அவருக்கு நெருங்கிய வட்டாரம் தெரிவிக்கிறது.

ஆனால், வித்யாபாலன் அளவுக்கு பெர்மார்மன்ஸ் கொடுக்க முடியுமா என்ற தயக்கமே அனுஷ்கா பின் வாங்க காரணம் என்கிறது மற்றொரு தரப்பு.